影片
更多
2023-01-06
662 瀏覽
今晚約咗朋友去呢間食燒肉，睇open rice 啲價錢都可以，我哋私底下商量決定揀 Level 4，$398，加埋一大概$440，可以接受。啲肉睇落係okay，但食落其實冇乜味，而且限時120分鐘真係好趕，打邊爐都還可以，又要燒又要等佢熟，其實係唔夠時間。到夠鐘，其實都截咗單，但由於枱面仲有食物，都要俾時間我哋燒埋先啦，而且都過咗繁忙時間，大把吉枱，使唔使催我哋幾次？係咁催，食完都背脊骨落。到埋單，竟然每人$600，同我哋預期差好遠。搵伙記問，佢又話聖誕後加咗價又話升咗級，乜都佢講晒。其實入座時講清楚就唔會產生誤會，佢又冇講，忽然食餐咁嘅嘢都六舊幾水，感覺上真係唔多alright。整個體驗都幾差吓，或者呢啲開喺油尖旺嘅舖頭都係咁，唔但求你返頭，只求不斷有新客。我又真係唔會返頭再幫襯，至於第二個願望就祝佢好運。
啲肉睇落係okay，但食落其實冇乜味，而且限時120分鐘真係好趕，打邊爐都還可以，又要燒又要等佢熟，其實係唔夠時間。
到夠鐘，其實都截咗單，但由於枱面仲有食物，都要俾時間我哋燒埋先啦，而且都過咗繁忙時間，大把吉枱，使唔使催我哋幾次？係咁催，食完都背脊骨落。
到埋單，竟然每人$600，同我哋預期差好遠。搵伙記問，佢又話聖誕後加咗價又話升咗級，乜都佢講晒。其實入座時講清楚就唔會產生誤會，佢又冇講，忽然食餐咁嘅嘢都六舊幾水，感覺上真係唔多alright。
整個體驗都幾差吓，或者呢啲開喺油尖旺嘅舖頭都係咁，唔但求你返頭，只求不斷有新客。我又真係唔會返頭再幫襯，至於第二個願望就祝佢好運。
張貼
