焰井 (已結業)

主打石燒燒肉嘅「焰井」因為受到疫情影響，所以依家晚市主打高質、親民價主食，食物即叫即製，攞上手好熱辣辣。照燒雞扒飯，照燒醬汁味道香甜帶咸；原塊雞扒口感厚身、皮滑肉嫩，食落啖啖肉，好入味，配以芝麻、洋蔥、紫菜食用，味道更佳；珍珠米口感軟硬適中，配以味粉飯素食用，味道鮮香。和風牛肉飯，和風醬汁味道正宗、咸香；牛肉份量多，肉質肥瘦適中，食落嫩滑多汁；芝麻令味道更香口，紫菜口感脆口，洋蔥味道清甜、爽脆，整體口感好豐富。