TeaWood Deluxe (已結業)

今日同老闆去完見客，一齊食晚飯，老闆請食飯梗係唔係普通嘅餐廳，我哋去K11嘅Teawood Deluxe。首先叫咗cocktail時間裝置同TW鐘錶大師。時間裝置其實係一杯奶蓋啤酒珍珠，較適合男士飲。鐘錶大師係一杯青檸加西柚加白酒cocktail，甜甜酸酸， 酒精成分低的cocktail，好適合女士飲。主菜我哋開心share， 首先上場是香煎盲鰽魚西班牙橡果豬肉燥珍珠麵。好欣賞佢個盲曹外面煎得好脆，肉質鮮美，很高水準。珍珠麵我第一次食，好特別，唔好睇佢細細粒，原來好飽肚。跟住上場是燒加拿大帶骨豬鞍扒配蓮霧同蘋果蓉。豬扒好厚肉，但佢先得煎得好perfect， 豬扒又嫩滑又juicy。老闆問我要唔要甜品，我二話不說，揀咗MTW黑糖珍珠芙蕾班戟配抹茶冰淇淋。Pancake有金箔㗎! 好矜貴，spongy又delicious! 不過，個綠茶雪糕就細咗少少。