古今二 (荃新天地)

營業中

休息中

喺荃新天地睇完戲，發現依家都冇乜好多餐廳會開到夜，發現咗呢度都有間古今二，都好耐冇食了。龍捲風沙律酸酸甜甜，有少少薯片薄脆片，配搭青瓜，蟹柳、蟹籽、沙律菜，喺食壽司前開下胃口唔錯。純粹因為真係有啲夜，想叫啲嘢嚟頂住肚先就最啱。煙花辣味三文魚、辣味吞拿魚、芝士一擺入口即刻溶化超正，特別喜歡呢一種魚蓉狀態嘅卷物，所以食落去口感好豐富亦都好滿足。蜘蛛炸軟殼蟹、蟹柳、牛油果、青瓜，超級足料嘅卷，各樣材料都好配合，完全feel到係剛剛炸好就卷出嚟。鹿兒島豚肉蘆筍蘆筍超好食，佢啲BB蘆筍唔會好老超嫩，豚肉都係燃燒為主，配搭上好夾岩鹽燒虎蝦超大隻，果然鹽燒蝦真係唔可以用手搣，精髓就係用口咬開啲殼，食到嗰浸鹽味。