漁釧 (將軍澳中心) (已結業)

平時經過將軍澳中心都見到呢間日本野好吸睛，大大個天燈寫住漁釗。今晚同老媽兩入食好西。入面裝修幾有日本特色，木系為住，座位闊落，好高私隱度。本人喜愛魚生，叫左極盈四色刺身丼，有赤蝦、中拖羅、吞拿魚、帶子再加半生熟蛋，刺身份量好足，勁飽滿夠新鮮，混合蛋汁伴上壽司飯，跟餐有麵豉湯同沙律。再額外叫咗網燒牛肉沙律、海膽年糕燒。呢個都較特別，用紫菜包住海水味既海膽，配上煙煙韌韌嘅年糕，口感豐富。仲有雞肝醬tapas ，呢款都係比較少見，雞肝味道有點似蟹膏，少少咸不過配上餅乾原來幾惹味，值得一試！再來點要咗至愛既燒魷魚筒和燒鯖魚，呢兩款都比較抵食，燒既火喉恰到好處，作為小食一流！整體餐廳味道唔錯，價錢方合理，值得再去！