Le Bonbon de Paris (已結業)

情侶二人用餐，肚餓，brunch。是日落雨，難得西貢好少人但呢間小鋪還是爆滿，所以要迫係細小的簷蓬下，仲要開住把遮先唔會滴水，坐既係木凳，唔適宜長坐。等餐時間都幾耐，因為只有一位法國廚師老闆，但個人認為食得法國小菜就要感受埋法國的悠閒，唔可以當係快餐咁食。招呼我地既係mix既靚仔侍應哥哥，態度好好，亦好風趣。我地兩個人叫左兩個套餐，價錢係西貢黎講相當相宜，我地以為會好細碟，點知最後棒住個肚走。法式芝士奄列+多士多士好脆，整個菜式既味道都好淡，如果喜歡食濃味野既人未必岩。但我個人說好喜歡，個奄列外脆內軟唔會一pat野，淡淡既芝士味，仲有menu無寫既火腿係入面，整體味道好食。法式田園煙肉薯仔奄列+多士呢個奄列比上一個更有口感，硬身一點。薯仔係爽口的而非粉薯，唔會一叉就散，入面有些許香料好香，食落無芝士奄列咁漏，食材更加豐富，更香口。熱鮮奶朱古力上面兩粒綿花糖好甜，下面啲朱古力唔濃，但唔知係咪我兩粒綿花糖放左好耐先食，所以淡淡既朱古力充滿住甜味，唔係話超好飲，但都好飲既。鮮奶咖啡冰雪無鮮奶味，普通咖啡感覺，似沖粉咖啡。整體而言，menu仲有好多我想試既野，我下次會再黎試其他野。