娜多歐陸餐廳 (已結業)

上堂前搵野食，原來調景嶺站附近人流好集中，想搵間食肆坐低都有困難…但一行6人咁好彩搵到呢間有一張圓枱剛好坐到6人，ok，就入去食，何況門面裝修係ok的食物只講自己的，要了一份煙三文魚卡邦尼汁意粉+牛角包+意大利菜湯的午餐，另外加錢要了一杯巨峰特飲其實特飲中有巨峰特飲呢…呢間餐廳都應該頗為「港式」，上來呢度之後就知道甚麼背景了談回食物，先上湯，正正常常無甚批評、牛角包反而幾好食，加4元係可以接受的，至於那個main呢裝盤合格，碟的深度都夠，份量其實係足夠的，唔好俾個表面呃到你不過，當卡邦尼汁無蛋汁味的時候，佢仲係咪卡邦尼汁？何況我認識的卡邦尼汁應該只加煙肉，這個卡邦尼汁…正正符合了他「港式」的特色－－撈乜都得但公平一點講，就當我味覺失靈/或者當佢係一般煮麵粉開的白汁，呢個意粉亦只係僅僅合格的；就呢個意粉來講，似乎淋了多少，若再煮多少少時間，隨時會變成茶廰淋pat pat的意粉，這點要小心服務方面，其實waiter/waiteress都好快會serve你…不過，我呢枱6個人，逐個點完之後佢竟然問番我地飲乜野湯（乜唔係寫低咩？），另外，我要了一杯巨峰特飲，杯內係有爆珠的，但係佢俾了一支幼身的