八居酒屋 (旺角新城)

營業中

休息中

香港有好多唔同嘅日式餐廳，日式居酒屋嘅氛圍，都會想重溫日式小菜嘅美味！今次同朋友兩個人嚟到旺角新城入面嘅日式居酒屋試咗幾款日式小菜同埋壽司，雖然價錢唔算好平，但係質素絕對對得起價錢！我哋夜晚六點幾嚟到，餐廳唔算好多人，店員嘅服務態度幾好，一坐低就斟咗熱茶俾我哋飲。我哋叫咗兩款小菜分別係大根牛舌同埋清酒煮蜆。朋友好鍾意食前者，蘿蔔嘅味道好甜，牛舌都住得好軟爛！而我自己就鍾意後者多啲，清酒嘅酒精味唔係好濃，反而是好清甜，配上非常之新鮮有肥美嘅蜆，好味呀！壽司同埋海鮮丼飯嘅質素都非常之嘅頂級！魚生油香味十足，而且全部都係厚切！壽司飯食得出係壽司師傅人手製作，有誠意，唔會好似一啲連鎖店用機器整飯團，少咗口感。最有趣嘅係餐廳出邊仲有擺一部做公仔機，入到指定嘅分數就可以換小食，我勁好彩夾到炸雞又可以加送了哈哈！如果冇記錯，只要有消費都可以試玩