大勝丼 (已結業)

平時食魚生丼，除咗怕魚生唔新鮮之外，就係怕個配搭入面有自己唔鍾意食嘅嘢，尤其係我依啲揀飲擇食嘅人，啲似鯇魚嘅魚生同淺色系既魚都會揀唔落手，依間大勝丼就滿足晒我需要啦，好就好在可以自己揀，多過20種魚生任你配搭，實有一款啱你口味。仲要係💛店，即刻要大大力懲罰啦。甘蝦唔腥，醋飯配飯素，已經冇得輸，加埋熱辣辣嘅麵豉湯，再配埋雪米滋做飯後甜品，的確唔錯。美中不足嘅係，魚生飯偏細碗，胃口好啲，或者大食啲嘅，一碗未必夠飽。