Feather & Bone

營業中

休息中

細個嘅時候有段時間住過西營盤，間唔中都會返去嗰邊探吓朋友，搵吓好嘢食，近年真係多咗好多唔同類型嘅餐廳，尤其是西餐嘅種類就更加多，再加上多咗好多新樓落成，好多舖面都响新樓樓下嘅舖面，好大間好高樓底好舒服，好似呢間西餐廳就係其中之一。呢間西餐廳最特別嘅地方，佢除咗有三份之二嘅地方係食嘢之外，另外仲有大約三份一係一個食材店，食過好味嘅扒可以响呢度買番屋企自己煎。今次叫咗大磨菇牛扒，磨菇多汁鮮味，扒亦做得唔錯，另外叫咗八爪魚通心粉，味道都幾特別。