開心坊·親子餐廳 (已結業)

第一次見呢間位於何文田廣場既西餐廳，驟眼睇舖面，會以為係專做親子餐既餐廳，但之前朋友話入面係有西餐食既，我半信半疑咁入座。一睇餐牌，原來我朋友真係冇講錯，真係有各式各樣既西餐選擇。西餐既選擇有唔少，分左前菜，主菜，甜品同小食等等，我地見餐牌上寫住一項主菜叫做每日新鮮，我地好奇下問左位侍應係咩來，佢話呢個係每日精選既菜式，日日都有唔同，咁啱今日就係羊肉肉醬長通粉，牛肉同豬肉肉醬就食得多，羊肉真係未試過，就我地就叫左一客，除此之外仲叫左客西柚雞翼，芝士薯條同埋一杯蘋果羽衣甘藍汁。羊肉肉醬長通粉既味道好特別，羊肉既味道好出，加埋茄汁真係比起豬肉同牛肉既肉醬味道更加出色，又唔會太過羶味重，好值得一試。西柚雞翼食得出係即叫即炸，西柚汁酸酸甜甜咁，啱啱好中和炸雞翼既油膩，好醒胃。芝士薯條脆得來唔怕燶，食得出d芝士係水牛芝士來，夾得來又唔怕太飽，啱啱好，食完仲想叫多一客。最後個杯蘋果羽衣甘藍汁先係重點，真係鮮搾，冇花冇假，飲落感覺好新鮮，唔會太甜，羽衣甘藍既甘味同蘋果味夾得好好，真係好值得推介