螢火

今日同事介紹咗呢間有得食又有得玩仲有得飲酒嘅日式餐廳，我就好好奇究竟有啲乜嘢咁好玩呢，所以懷住個興奮嘅心情去試下啦！一入到餐廳之後見到左手邊有個熒幕，原來可以畀啲客人喺ipad上面寫啲字，然後就可以投影去到熒幕入面嘅天燈上面，又真係幾好玩好過癮😆見到呢間餐廳仲有得食鐵板燒，仲有兩間房可以比客人book，不過今餐我就選擇咗清清地食壽司，午市都只係$328一個人。原來而家仲做緊螢火感謝祭多重優惠：1️⃣全日指定清酒免費任飲 （午餐90分鐘，晚餐120分鐘），2️⃣廚師發辦十六品晚餐（原價$1380/位），現推出優惠「二人同行，一人免費」。咁夜晚嚟食都唔貴wor😋前菜鳴門卷，魚餅，蘿蔔，清清地作為呢餐嘅前奏都幾好☺️帶子壽司好新鮮好滑，落咗豉油好吊起鮮味。油甘魚壽司肉質幾爽口，食得出好新鮮，仲散發出淡淡嘅油脂香，唔會肥膩。吞拿魚壽司肉質好滑，都算幾肥美。金目鯛壽司同樣係好滑身，同吞拿魚相比就冇乜油脂香，食完都唔會有邪惡感😆蒸蛋味道好濃郁，裡面見到落咗蟹肉絲，三文魚子，魚子醬，一啲都唔馬虎。火炙左口魚燒過之後好香，食落好juicy！銀鱈魚，烏魚子粉魚脂香好出，加上粉甜甜地，口感好match牡丹蝦口感好滑