三姐廚房私房菜 (已結業)

老實講, 小弟食私房菜嘅次數真係少之有少, 今次黎到三姐私房菜, 真係要好好記錄落黎!!朋友預先訂左位, 呢度就係當日嘅menu!首先係有機沙津菜伴芝麻醬, 新鮮爽口, 加埋味道唔會太濃嘅芝麻醬, 係一個perfect start!接著落黎嘅係魚子醬溏心蛋配炸茄子。溏心蛋質感好滑, 加上魚子醬更加名貴。而炸茄子亦相當出免, 脆而不膩, 配上特制醬汁, 正呀!花膠猴頭茹燉湯, 全部都真材實料, 花膠亦相當大件, 所以令到碗湯特別好飲!!嬉水芙蓉: 蒸蛋加上豆腐, 質感非常好嫩滑, 一放入口, 幾乎就要滑到落食道XD 上面仲要有幾粒燒帶子，帶子好大粒好新鮮黑松露炒斑球: 斑球肉好大件, 味道亦不錯。而菇類亦吸收到魚嘅鮮味同埋黑松露嘅味道, 令平平無奇嘅菇增添色彩!全晚嘅主角, 三蔥鮑魚。沙窩啫啫啲鮑魚同洋蔥蔥頭, 令到原本爽口彈牙嘅鮑魚香氣更濃郁, 咁有獲氣、咁更嘅食材, 如果一人有4隻, 咁就更加好!!陳皮骨炸得鬆脆，而亦唔會太油膩。味道名付其實, 係充滿陳皮味，亦相當特別嘅一味餸菜!總括黎講, 呢度啲菜式都係相當之有心思, 款式亦都唔係坊間常有, 因有如此, 先至會有咁多人慕名幫襯!