叁不館

營業中

休息中

宴請朋友聚餐，見好評不少，即管一試，的確冇揀錯。無論從食材選料到店內裝修，九龍城寨feel, 都見店主系有心之人。雖然食材質量未及頂尖，但已經非常優質同新鮮，價錢親民，物超所值。四個人叫咗牛肉拼盆，各式海鮮貝類，再加斤半龍蝦一隻，扑扑蜆湯底，非常鮮甜。其餘食品連飲品，$3300 埋單，實惠超值。侍應都喺年青人，醒目有禮貌，自然唔做作。親朋好友6-8位最好，有一個包房。餐廳位置方便，隣近天后地鐵站，對面私人居苑有泊車位。