SHAO (已結業)

成日聽人介紹SHAO呢間位於何文田嘅小店，今次試左幾樣餐廳出名嘅菜式，覺得楓糖叉燒同埋鵝肝漢堡比較值得推薦。鵝肝漢堡係bite size，鵝肝煎到金黃色，油脂感啱啱好，食落好香，入口即溶。醬汁用咗黑松露同埋無花果醬，更加能夠帶出鵝肝嘅油香。不過真係略嫌太細，兩啖就食晒。楓糖叉燒用咗西班牙黑毛豬，叉燒每舊都肥瘦均勻，有油脂香得來又唔會太肥，外皮塗滿左楓糖漿，燒到微微焦香，好好食！伴碟嘅係薑蔥醬，非常能夠解膩，值得一試！