影片
更多
2024-07-07
424 瀏覽
餐廳位於中環IFC 1期3/F，位置方便而且絕對唔會難搵！今日預約咗喺晏晝12點食，餐廳可以喺假日嘅時候選擇套餐或者單點。我哋今日想坐耐啲，就決定同朋友試吓佢嘅套餐，每一位$588，點心無限添加，而且包括前菜同埋主食一份，如果鍾意飲酒嘅朋友都可以加$288，有無限添加嘅紅酒白酒或者氣泡酒，適合一啲鍾意飲酒嘅朋友！餐廳嘅景觀非常漂亮，對住成個海景，餐廳喺座位上嘅設計亦都非常有心思，酒吧嘅設計非常有中式色彩！樓底都好高，一行入去就散發出一個好舒服同埋高級嘅感覺🔺蔥油帶子，呢一個係餐廳嘅頭盤，帶子好厚身，一啖都食唔晒，加上餐廳本身特製嘅蔥油，令到帶子鮮味更加突出，帶子食落去亦都非常鮮甜，啱晒鍾意食帶子既我！🔺昆布甜酸意大利蕃茄仔，蕃茄仔係已經批咗皮，再加埋昆布嘅味道，餐廳建議我哋第一個小食就係食呢一個，食落去酸酸地，刺激味蕾非常開胃，而且佢個蕃茄仔都真係整得幾好食，唔錯！🔺三蔥爆炒龍蝦，龍蝦本身非常新鮮，而且味道鮮甜可口！再加上佢嘅肉質結實同埋肉色雪白，望到都已經流口水！食落去再加埋本身嘅輕調味，更加食得出佢嘅鮮味！🔺香脆蝦多士，佢嘅蝦滑做得好彈力，令成個蝦多士既口感好特別！餐廳係即叫即做所
🔺蔥油帶子，呢一個係餐廳嘅頭盤，帶子好厚身，一啖都食唔晒，加上餐廳本身特製嘅蔥油，令到帶子鮮味更加突出，帶子食落去亦都非常鮮甜，啱晒鍾意食帶子既我！
🔺昆布甜酸意大利蕃茄仔，蕃茄仔係已經批咗皮，再加埋昆布嘅味道，餐廳建議我哋第一個小食就係食呢一個，食落去酸酸地，刺激味蕾非常開胃，而且佢個蕃茄仔都真係整得幾好食，唔錯！
🔺三蔥爆炒龍蝦，龍蝦本身非常新鮮，而且味道鮮甜可口！再加上佢嘅肉質結實同埋肉色雪白，望到都已經流口水！食落去再加埋本身嘅輕調味，更加食得出佢嘅鮮味！
🔺香脆蝦多士，佢嘅蝦滑做得好彈力，令成個蝦多士既口感好特別！餐廳係即叫即做所以每一份都係熱辣辣，忍唔住最後enocre多一件！
🔺迷你乾炒牛河。乾炒牛河份糧非常好，因為細細份可以每人食少少，唔夠先再叫！味道調味上都做得唔錯，食落去都唔會太油，細細份啱晒可以試多幾款唔同嘅嘢！
🔺海苔小籠包，小籠包非常爆汁，而且熱辣辣小心熱！！！咬落去即刻出煙，流晒滿溢嘅湯汁出嚟，非常好食！！！呢個小籠包真係做得唔錯！
🔺 XO醬炒腸粉，去飲茶點樣少得食腸粉！佢嘅XO醬腸粉都整得幾好食，而且嗰邊煎得燶燶地，增加咗成個腸粉嘅口感！
🔺熱情果凍糕！第一次食呢一個味道嘅糕點，酸酸甜甜嘅口感非常特別，非常適合夏天作為甜品！而且佢都做得幾靚！成個口都充滿熱情果嘅酸酸地嘅口味！
🔺脆皮炸鮮奶，炸鮮奶都係一個其中我最鍾意食嘅嘢食，佢嘅炸鮮奶外面包着一層嘅皮，入邊就係好熱辣辣嘅鮮奶，咬落去非常好食！
張貼
