Cafe Wellcome x BBQ Place (已結業)

青咖喱豬頸肉焗飯 $68 好濃郁嘅青咖喱汁 唔會好鹹味道啱啱好 豬頸肉超多塊 全部豬頸肉都好嫩滑 有用心走油 仲要有好多配菜 例如紅蘿蔔 洋蔥同茄子 值得一讚個茄子超好食！ 全部都走過油先攞去焗 好好味😍 仲要個飯底係炒蛋飯底！ 出色！ 抵食！ 香煎紐西蘭牛柳$98估唔到呢塊牛柳超正！ 佢冇問我哋成熟 咁可能都以為係普通茶記嗰啲效果 點知上到枱係超靚仔！ 煎得啱啱好 係medium well ! 有驚喜😍 跟餐仲附送餐湯 沙律 蒜蓉麵包 餐飲同雪糕值得一讚係嗰個蒜蓉麵包 係熱辣辣 餐湯都有好多蘑菇粒 好足料 因為嗰日好凍所以冇坐喺室外 室外超大 聽講可以容納到400人 戶外仲有一啲巴黎鐵塔裝飾同埋南瓜車打卡