Bistronomique Staunton (已結業)

之前去過這一帶吃晚飯，氣氛很不錯，今天和朋友來這間感覺很浪漫的餐廳，很喜歡它店內的情調。香煎魷魚仔配西班牙肉腸，魷魚煎香，好彈牙，加埋肉腸都唔會太鹹，個source 好惹味。 Caesar salad，發現呢間餐廳做source 好好味，味道好特別，酸酸鹹鹹又有點黑椒味，唔識形容但很開胃，加上cheese 好重芝士味，本人最愛，個蛋有微微流心，正！香煎鴨肝配焦糖水果，好肥美的鴨肝，油份很香很重，但配返個焦糖煮過的蘋果，成件事變得唔油膩，而且個焦糖蘋果的果糖清清甜甜，又夾到個鴨肝，好味到停唔到囉。黑松露雪魚蓉，雪魚和薯仔打成蓉真係第一次食，魚味重但唔會腥，加埋原片黑松露，食時配埋塊薄脆餅，成個idea 好新穎，口感好豐富。個魚湯真的很鮮甜，仲飲到有蝦味，海鮮味勁重，還有粒粒魚蓉，好似食咗成條魚落肚，好足料。紅酒燴澳洲和牛臉，一咬牛肉即軟化，淋身得黎好彈牙，能完全感受滿滿的膠質，個汁好濃好鮮甜，吸收了煮淋了的大蒜和紅蘿蔔，而且薯蓉好creamy 好好味。最後的甜品是雲呢拿拿破崙，非常鬆脆的外層加上鮮雲呢拿吉士忌廉，好香滑，今晚真的大飽口福。