影片
更多
2017-03-11
713 瀏覽
久不久要同情人搵過有情調嘅地方，真係唔係咁易㗎，有時都會留意一下開飯，做下備註，今次就睇中佢嘅藍帶廚師，同佢嘅環境！當然要訂枱，佢有兩層，今晚就同情人上了上層食個正正晚餐！有四道菜加甜品同餐飲，價錢就因不同主菜選擇由$468到$588，同情人吃當然要食得好啦，而且愛吃肉嘅我，一望就知道呢個係必吃之選擇！當然價錢亦係最貴啦，因為係澳洲頂級牛柳配法國鵝肝！餐前小食，瑞士糖香三文魚，三文魚同平時食開嘅真係有啲唔同店員話係要用上兩天時間去處理，用鮮果嘅汁去調製，所以三文魚入口時帶少少果香，而肉質亦好軟滑！跟住上了個黑松露鮮蠔野菌湯，松露香味撲鼻。而湯中有隻肥美嘅鮮蠔，蠔肉肥美，湯底充滿攪均嘅野菌，確實係有助為品嘗主菜前打開味覺嘅湯！前菜～米紙包鵝肝多士伴無花果，上枱精緻，鵝肝上插住塊鮮青蘋果片，而鵝肝下面就有鮮無花果，無花果下面就放了塊多士，旁邊重有啲奇異果粒，只是買相已經好正！而肥美厚滑嘅鵝肝，入口已經能即時溶化在口中，在昏暗有情調嘅環境中，看看見情人嘅嘴唇亦沾上了鵝肝嘅油脂，閃閃在眼中！通常吃完煎菜後都會上個青檸雪芭，將口腔中嘅味道清一清，當下一道主菜上時能重新感受最好嘅味道！青檸雪芭絕對
當然要訂枱，佢有兩層，今晚就同情人上了上層食個正正晚餐！有四道菜加甜品同餐飲，價錢就因不同主菜選擇由$468到$588，同情人吃當然要食得好啦，而且愛吃肉嘅我，一望就知道呢個係必吃之選擇！
當然價錢亦係最貴啦，因為係澳洲頂級牛柳配法國鵝肝！
餐前小食，瑞士糖香三文魚，三文魚同平時食開嘅真係有啲唔同
店員話係要用上兩天時間去處理，用鮮果嘅汁去調製，所以三文魚入口時帶少少果香，而肉質亦好軟滑！
跟住上了個黑松露鮮蠔野菌湯，松露香味撲鼻。
而湯中有隻肥美嘅鮮蠔，蠔肉肥美，湯底充滿攪均嘅野菌，確實係有助為品嘗主菜前打開味覺嘅湯！
前菜～米紙包鵝肝多士伴無花果，上枱精緻，鵝肝上插住塊鮮青蘋果片，而鵝肝下面就有鮮無花果，無花果下面就放了塊多士，旁邊重有啲奇異果粒，只是買相已經好正！
而肥美厚滑嘅鵝肝，入口已經能即時溶化在口中，在昏暗有情調嘅環境中，看看見情人嘅嘴唇亦沾上了鵝肝嘅油脂，閃閃在眼中！
通常吃完煎菜後都會上個青檸雪芭，將口腔中嘅味道清一清，當下一道主菜上時能重新感受最好嘅味道！青檸雪芭絕對做到，清新開胃嘅感覺！
主菜～澳洲頂級牛柳配法國鵝肝，上枱時發覺塊鵝肝大小同塊牛柳大小差不多大，而且個厚度都同牛柳差不多厚！
這塊比之前嘅更加肥厚美味，感覺可能較肥膩，但入口時又唔覺得太膩，外脆內香，入口時在口中溶化嘅感覺好正！同埋沒有最怕嘅腥味！雖然牛柳好厚身，但廚師煮得好軟熟，唔會出現一啲太熟一啲太生嘅感覺！而且重充滿肉汁，每一啖都係肉，正正係愛吃肉嘅我之選！
最後重有精緻甜品，紅梅慕斯，酸甜清新，入口軟滑！
加埋杯香滑濃郁嘅咖啡，今晚又可以同情人品嘗一個豐富晚餐，又美味而且環境又夠情調，真係一個好正嘅地方！
希望可以幫到一眾為同情人找地方煩惱嘅人多個地方選擇！
張貼
