影片
更多
2024-11-24
779 瀏覽
呢個週末同朋友去咗尖沙咀嘅The Pearl西餐廳，呢度餐廳裝修好有情調，燈光柔和，座位寬敞舒適。餐牌上有唔少cocktail同mocktail選擇，真係好適合情侶或者三五知己嚟食飯談天。我哋試咗幾款菜式，首先係吞拿魚牛油果泡沫他他配自製羅勒油 (Tuna Avocado Foam Tartare)（$108）。呢道前菜真係好有特色，吞拿魚他他中間鋪咗牛油果泡沫，味道酸酸地，配埋自製嘅羅勒油，拌勻後風味更佳。接住嚟係無花果帕馬火腿沙律 (Melon & Parma Ham Salad)（$98），雖然無花果冇貨，但改用蜜瓜都一樣好味。蜜瓜香甜多汁，配埋鹹香嘅帕馬火腿同巴馬臣芝士，仲有松子仁同黑醋橄欖油汁嘅沙律菜，真係好豐富滿足。主菜方面，我哋試咗和風醬油大蝦煙肉扁意粉 (Japanese Style Linguine with Shrimp)（$168）。意粉煮得啱啱好，做到al dente，大蝦數量唔少，和風醬油配意粉嘅搭配真係有驚喜，加埋煙肉鹹香味，真係好好食。最後係香煎牛封門柳 (Grilled Hanger Steak)（$178），封門柳中間粉嫩顏色已經好吸引，煎嘅生熟度剛好
我哋試咗幾款菜式，首先係吞拿魚牛油果泡沫他他配自製羅勒油 (Tuna Avocado Foam Tartare)（$108）。呢道前菜真係好有特色，吞拿魚他他中間鋪咗牛油果泡沫，味道酸酸地，配埋自製嘅羅勒油，拌勻後風味更佳。接住嚟係無花果帕馬火腿沙律 (Melon & Parma Ham Salad)（$98），雖然無花果冇貨，但改用蜜瓜都一樣好味。蜜瓜香甜多汁，配埋鹹香嘅帕馬火腿同巴馬臣芝士，仲有松子仁同黑醋橄欖油汁嘅沙律菜，真係好豐富滿足。
主菜方面，我哋試咗和風醬油大蝦煙肉扁意粉 (Japanese Style Linguine with Shrimp)（$168）。意粉煮得啱啱好，做到al dente，大蝦數量唔少，和風醬油配意粉嘅搭配真係有驚喜，加埋煙肉鹹香味，真係好好食。最後係香煎牛封門柳 (Grilled Hanger Steak)（$178），封門柳中間粉嫩顏色已經好吸引，煎嘅生熟度剛好，配埋青醬而唔係常見嘅芥末，更能提升牛肉味道。底下嘅薯蓉口感軟綿綿，真係我好鍾意嘅質感。
飲品方面，我哋試咗一杯cocktail Pearadise同一杯mocktail First Crush，兩杯都好好特別，特別係Pearadise，好易入口，適合女仔飲。總結嚟講，呢間餐廳真係一個好好嘅放鬆地方，無論係同朋友聚會定係自己嚟chill都好適合。推薦俾所有鍾意cocktail同mocktail嘅朋友們！
the pearl
📍尖沙咀加連威老道20-22號瑞生尖沙咀酒店4樓
張貼
