影片
更多
2017-07-27
140 瀏覽
如果你問我 幾耐冇食過台灣野 我答你 幾日倒喇 唔係好耐因為我呢期都幾吹台灣風 返工食晏食台灣野 放工同朋友食飯又係台灣野今晚都唔例外 仲走埋去對面海食 中環平時我都係返工時間先會接觸到今晚食飯去中環 其實又真係比較少 不過唔食唔知中環有間氣氛咁好 服務都幾好既台灣食店一坐低 服務員就好好咁建議我地可以將袋放係窗店位置 睇睇餐牌 一般台灣菜呢度有齊 另外更加有一D非常有特色既菜 正呀!腐乳空心菜色澤不俗 新鮮 食落去爽口重點係腐乳味道唔會太過火位 有時最驚真係太咸不過大家唔需要擔心 你只會覺得味道調得岩岩好 放心咸蛋炸苦瓜黃金蝦球呢兩味菜可以放埋一齊講 其實兩味菜都係用咸蛋去炸苦瓜同埋蝦球咸蛋同蝦球呢個配搭我食過 但係咸蛋配苦瓜真係第一次試口感同味道衝擊真係第一次試呀唔好以為咸咸苦苦會好怪 食過你就知有幾特別台式三杯雞呢味係我朋友叫既 原本擺上枱我都仲係覺得佢平平無奇但係D香氣慢慢散到黎 發覺又幾香食左舊雞 發覺D肉又幾夠味 又幾鮮嫩事實證明 朋友眼光真係幾好簡直係 今晚首推既一個菜呀!蚵仔煎食台灣野叫返個蚵仔煎食 基本
因為我呢期都幾吹台灣風 返工食晏食台灣野 放工同朋友食飯又係台灣野
今晚都唔例外 仲走埋去對面海食 中環平時我都係返工時間先會接觸到
今晚食飯去中環 其實又真係比較少 不過唔食唔知中環有間氣氛咁好 服務都幾好既台灣食店
一坐低 服務員就好好咁建議我地可以將袋放係窗店位置
睇睇餐牌 一般台灣菜呢度有齊 另外更加有一D非常有特色既菜 正呀!
腐乳空心菜
色澤不俗 新鮮 食落去爽口
重點係腐乳味道唔會太過火位 有時最驚真係太咸
不過大家唔需要擔心 你只會覺得味道調得岩岩好 放心
咸蛋炸苦瓜黃金蝦球
呢兩味菜可以放埋一齊講 其實兩味菜都係用咸蛋去炸苦瓜同埋蝦球
咸蛋同蝦球呢個配搭我食過 但係咸蛋配苦瓜真係第一次試
口感同味道衝擊真係第一次試呀
唔好以為咸咸苦苦會好怪 食過你就知有幾特別
台式三杯雞
呢味係我朋友叫既 原本擺上枱我都仲係覺得佢平平無奇但係D香氣慢慢散到黎 發覺又幾香
食左舊雞 發覺D肉又幾夠味 又幾鮮嫩
事實證明 朋友眼光真係幾好
簡直係 今晚首推既一個菜呀!
蚵仔煎
食台灣野叫返個蚵仔煎食 基本吧!
今晚都唔例外 有台灣夜衣食到既風味
紅燒牛肉麵
食夜晚飯又點可以唔食下D麵飯先黎個牛肉麵 MENU上面寫有D辣
但係放心 以我一個唔係幾食得辣既人都覺得唔辣就真係冇咩問題了
有係台灣當地食既水準嫁!
蒜香櫻花蝦炒飯
外表的確係冇咩特別 但係食落其實又有少少特色用櫻花蝦黎炒飯我自己都係第一次食
連飯食咬落去有D脆口 口感幾特別
熱燒仙草擂沙湯丸
女士們食完正餐都係要堅持食返個甜品
個人就比較鐘意食熱燒仙草
一黎出面比較少地方食到 二黎令我諗返起係台灣食過一樣既甜品
(唔好睇佢黑蚊蚊 以為係苦茶呀, 真係幾好食嫁)
芒果夢樂沙冰藍蝶花香西打
兩杯都係解渴之選 夏天飲佢地一定冇錯
個人推介芒果夢樂沙冰 杯沙冰好棉 沙冰同芒果比例較得岩岩好
飲完一啖會忍唔住再大大啖飲落口嫁!
埋單每人250蚊倒 係中環食選係叫做抵食 始終都叫做黃金地段
下次可以再戰呀!
張貼
