Moment Private Lounge & Kitchen

營業中

休息中

星期五放工想食好啲食豪啲就約定朋友仔去食飯，由佢book由佢發辦，點知真係有surprise到我！呢間餐廳係上環，一間樓上私房法國菜，想食要早兩日訂定㗎！好彩今次我地有備以來～嚟到都由佢安排啲當天廚師炮製菜式！首先係餐前麵包，估唔到奉上嘅係牛角包一上枱時候牛油香已經撲鼻，拎上手微溫，食落勁酥脆內裡有彈性！齋係個牛角包已令我回味！之後就有個蟹肉南瓜湯，飲落係濃郁到一個點，同龍蝦湯有幾分似，但比後者更深得我心！蟹肉份量都令人滿足加上湯嘅濃稠度更加令人難忘！之後就係沙律部分，係三文魚蕃茄沙律，其中我最鐘意嘅部分就係牛油果嘅點綴，加上用上新鮮嘅蕃茄更加分！三文魚油香都好夠！之後就係主食嘅部分，有西班牙豬鞍同埋墨魚意粉！豬鞍外層煎得剛剛好仲帶點脆，中間肉汁一咬就爆開，估唔到會咁juicy~加上又幾厚肉，無從挑剔啊！側邊嘅菠蘿又甜又多汁啊！另外墨魚意粉係用左墨魚整成意粉嘅形狀，一條條咁再蘸埋側邊嘅汁，墨魚片好爽嫩，如果個量多啲啲會開心啲！食完主食仲有啲肚量就食埋個甜品！甜品係朱古力慕絲，對慕絲嘅印象都覺得係偏甜，但呢個唔會啊 ，可能同各樣野配合balance返就無咁甜，好似豎起嘅咖啡脆片，苦苦地再