影片
更多
2022-01-09
51 瀏覽
《泰斗》開始冇晚市堂食，唯有ʟᴀᴛᴇʀɢʀᴀᴍ 下🙈 呢間泰嘢唔係朋友帶我去我都唔知原來環境咁chill! 仲要係位於尖沙咀鬧市😆 被安排咗坐喺望景位，有啲燈飾點綴下好浪漫！🍭泰式生蝦($128)食泰國嘢我有幾樣嘢覺得係必食，生蝦就係其中之一！大約有8隻左右，每隻上面都放左蒜頭粒，辣椒粒，當然唔少得泰式辣醬！蝦身唔算爽口彈牙～ 而佢個醬對於唔係好食得辣既我嚟講係偏辣😂 要飲凍嘢解一解😂 🍭咖喱海鮮($168)入面既海鮮有蝦、魷魚、青口，份量唔算好多，但全部都唔係細細隻～ 覺得個魷魚幾好食！而咖喱反而偏甜唔算太辣～ 🍭沙嗲牛串燒(2串, $38)🍭鹽燒牛舌串(2串, $48)佢有雞、牛、豬串燒，我地點咗牛嗰2款～ 就咁睇賣相都唔錯，味道屬正常～🍭芒果糯米飯($68)呢樣都係必食之一，佢個飯砌到成個心型咁～ 熱辣辣加分！芒果唔係好酸～ 唯獨個糯米汁較淡～ 🍭White Temple ($108)🍭龍眼冰($42)佢有幾款好特別既cocktail~ 店員推介咗呢款～ 一嚟到真係少女心爆發，成舊3D紫色玫瑰色花冰喺面，超靚！呢款係益力多、橙汁、桃、triple sec既酒調製而成～ 飲落酸酸甜
開始冇晚市堂食，唯有ʟᴀᴛᴇʀɢʀᴀᴍ 下🙈 呢間泰嘢唔係朋友帶我去我都唔知原來環境咁chill! 仲要係位於尖沙咀鬧市😆 被安排咗坐喺望景位，有啲燈飾點綴下好浪漫！
🍭泰式生蝦($128)
食泰國嘢我有幾樣嘢覺得係必食，生蝦就係其中之一！大約有8隻左右，每隻上面都放左蒜頭粒，辣椒粒，當然唔少得泰式辣醬！蝦身唔算爽口彈牙～ 而佢個醬對於唔係好食得辣既我嚟講係偏辣😂 要飲凍嘢解一解😂
🍭咖喱海鮮($168)
入面既海鮮有蝦、魷魚、青口，份量唔算好多，但全部都唔係細細隻～ 覺得個魷魚幾好食！而咖喱反而偏甜唔算太辣～
🍭沙嗲牛串燒(2串, $38)
🍭鹽燒牛舌串(2串, $48)
佢有雞、牛、豬串燒，我地點咗牛嗰2款～ 就咁睇賣相都唔錯，味道屬正常～
🍭芒果糯米飯($68)
呢樣都係必食之一，佢個飯砌到成個心型咁～ 熱辣辣加分！芒果唔係好酸～ 唯獨個糯米汁較淡～
🍭White Temple ($108)
🍭龍眼冰($42)
佢有幾款好特別既cocktail~ 店員推介咗呢款～ 一嚟到真係少女心爆發，成舊3D紫色玫瑰色花冰喺面，超靚！呢款係益力多、橙汁、桃、triple sec既酒調製而成～ 飲落酸酸甜甜～ 另一杯龍眼冰我一向都鍾意飲～ 呢個既龍眼乾落得幾多下，好濃味！
張貼
