February

營業中

休息中

呢間餐廳嘅情調唔錯～暗暗地嘅燈光有酒吧嘅感覺，但係食物都非常有質素，尤其係signature 嘅燒豬手，見到圖片伴碟已經簽上 February 嘅簽名就知係鎮店皇牌😋豬手大大隻，淋上酒精再點火令外皮更加香脆，而呢種整法亦能保住內裏嘅肉質鮮嫩同埋鎖住肉汁，外脆內Juicy！火候剛剛好令肉地都好彈牙有口感，豬手本身都好有豬肉香味，整道菜都非常高質素，大大隻又唔貴食到飽🤩另外蟹蟹蟹意粉都值得一提，由蟹子、蟹肉同蟹醬組成，伴住意粉，份外好食！意粉本身有啲蒜香，香口得來意粉唔會浸得太林，好食到停唔到口！最後炸薯條都炸得好香脆，好有薯味又唔乾。餐廳位處嘅商場有停車場，可以揸車前往交通方便，侍應服務態度都好好，又有禮貌反應又快，值得推介！