Quiero Más

營業中

休息中

聖誕前同朋友揀咗附近西班牙菜餐廳預早慶祝，燈光昏暗有情調，裝飾色彩鮮豔，落地玻璃設計可以飽覽中環璀璨夜景，好適合約會。樓上天台有一個小型露天酒吧區，傾偈吹水好地方。Southern Seas新鮮扇貝肉質柔滑，口感鮮甜清新，配搭綿密既牛油果慕斯為整道菜增添特別既柔滑口感，靈魂在於青蔥香茅油醋汁，獨特既香氣完美地提升扇貝和牛油果既風味。Barca Hamachi油甘魚刺身切成一粒粒，魚肉鮮嫩細膩，搭配鬆脆的布里歐麵包🥖，用左帶有微微酸甜味既蕃茄做伴碟。Pulpo a la Gallega用左來自加利西亞既章魚，烤章魚🐙口感彈牙，燒烤既香氣為章魚增添了多一層風味，伴碟薯蓉如奶油般細滑。Dry-Aged Wagyu Beef "Bavette" M5M5級別既熟成和牛肉質細膩，肉香四溢，牛肉味濃郁。Paella Barcelona西班牙菜必點既海鮮飯，放左豐富的海鮮食材-大蝦、魷魚、青口，大蝦蝦肉彈牙，魷魚爽脆，青口肉質嫩滑，飯粒吸收海鮮既鮮甜。Lychee Green慶祝聖誕飲返杯mocktail，充滿住荔枝清新香味，好岩女仔飲。