幕多

營業中

休息中

朋友極力推薦呢間蝦拉麵店，而且我地又係海鮮愛好者，於是星期五晚上就嚟到試一試佢。去到已經見到大概十個人左右排緊隊，不過都只係等左大概20分鍾左右就可以入座，排隊嘅時候店員已經比餐單我地點菜，所以入座之後大概5分鍾已經有得食，可惜是日精選同蛋已經賣完。麵款方面佢可以揀刀削麵或者拉麵，同朋友各點左一款，個人比較喜歡刀削麵因為比較掛汁同埋口感好煙韌，湯底濃郁而且加左櫻花蝦，食落更加香口，每個拉麵都會配有三隻蝦，蝦肉非常結實而且已經去殼，啖啖肉非常滿足，再另外追加左1份蠔，好大隻而且完全唔腥，極力推薦。