火土燒肉

呢間燒肉店真係好特別，好有露營feel，真係啱晒我呢類鐘意野外既人士，餐廳內佈置連餐具都感覺置身野外露營，約埋三五知己，圍爐燒烤，真係一個好好既體驗。燒肉拼盤牛肋肉、薄切牛舌、牛胸腹、豚肉燒樣樣都咁出色，食齊唔同嘅肉質和味道，特別係牛肋肉，入口煙靭、牛肉味重，入味之餘油脂亦豐富。梅花豚肉超薄切豬肉，燒到微燶，入口就好脆又入味，必食蟹肉忌廉薯餅外脆內軟忌廉餡，蟹肉味豐富加埋忌廉真係絕配。鯛魚燒感覺置身日本既鯛魚燒，兩款味道不同既餡料，食完都唔會覺得滯。