一笑食堂

營業中

休息中

早前喺YouTube睇過有關於呢間小店嘅短片，對佢嘅食物頗有興趣。剛巧午膳時間經過附近，所以佢試一試。很可惜的是午餐只有拉麵提供，並且只得兩款，真是有點失望。但反正已經坐下，也就試試吧，心想佢專注做拉麵應該會好食。點了兩款拉麵，分別係豬骨濃湯拉麵及櫻花蝦拉麵。 豬骨濃湯拉麵嘅湯做得未夠濃郁，而櫻花拉麵嘅湯則做得非常濃郁可口，但兩個湯都唔太夠熱。溫泉蛋要另外加$12 ，做得還可以。但因為佢用嘅係幼麵，所以好難拿捏到淥麵嘅時間，結果係拉麵偏淋，唔夠煙靭，影響整體效果。希望老闆可以考慮改用較粗層嘅拉麵，應該對整體效果有所改善。老闆非常健談，對客人有耐性，有禮貌。價格可接受，但在該區可能有些偏高。