板神鉄板燒日本料理 (信和廣場)

營業中

休息中

見有新MENU （仲要係抵食嘅）梗係即刻BOOK位啦「激安パッケージ」鐵板燒一人前 $388優惠 適用於Lucky 7 註冊會員（免費入會）食到十一品料理強烈建議追加食物， 因為同樣都係CP值高！好鍾意呢度呢度裝修華麗寬敞， 又有唔同嘅特色空間用餐時享受到獨特氛圍同體驗「刺身三點」一次過品嚐到火炙吞拿魚、鰤魚同帆立貝三款都新鮮美味追加＄48仲可以享用到日本生蠔，呢個又大又肥美嘅蠔真係值得推薦。原隻青龍蝦燒個陣仲郁㗎， 超級新鮮師傅一路燒一路聞到好香 完全令人垂涎欲滴追加＄58 要埋燒大蝦龍蝦同蝦肉質都非常彈牙蝦頭煎到香脆可口美國薄燒安格斯牛柳：師傅提議煎到五分熟， 的確剛好～嫩滑牛肉包住好香嘅蒜同蔥花每一啖都好香蛋炒飯， 龍蝦味噌湯， 炒雜菜， 同雲呢拿布甸 都有水準見到隔離檯有「火焰士多啤梨」好正咁又忍唔住追加埋草莓用橙酒火焰過所以又香又甜仲有雪糕做成冰火口感好食又打到卡值得一提的係師傅係整個用餐過程中表現出色，不僅專業地介紹食材，又會提供最佳食用方法，侍應的服務態度禮貌周到，並且提供迅速的服務令整個用餐體驗更加愉悅。