塚田農場

營業中

休息中

晚上經過這間日本餐廳，門口擺放掂牌食物美人鍋及炭燒走地雞廣告版，兩樣食物都好想試，於是就幫襯吓，雖然晚上8點半之後，但都要排隊等位，大約等咗10-20分鐘，其實有 bar枱的，但不想坐 bar枱無景睇，最後都安排了卡位坐，但不是好景觀位置。如果位置好的話可望好靚的維港景色。而食物方面就叫了美人鍋及炭燒走地雞(山葵味)， 加了兩個麵。先嚟的是炭燒走地雞(山葵)，其實在燒好的雞上在你面前磨上一些新鮮山葵在雞面上，但該條山葵比較乾身啲，山葵味唔夠突出。但燒雞都好食，睇之前有人寫話好似BBQ燒燶嘢嘅味道，佢講得無錯，差不多是這樣，但係我覺得燶燶哋幾好食的，加上可能預咗俾人送酒，所以刻意煮到咁樣的，話晒都係居酒屋。美人鍋送到有兩層，上層有菜、豆腐、兩竹免治雞肉，下層有4件雞，跟上一骨膠原雞湯。都算係幾好食的，材料新鮮，味道唔覺味精嘢。加多兩份麵夠晒飽。話說我哋只是叫咗兩個麵，但最後送多一份嚟，同職員講之後佢哋話唔計錢送埋俾我哋食。