前家樂餐廳火鍋店 (已結業)

有個住喺加拿大嘅朋友嚟香港玩，咁我當然要帶佢周圍食周圍玩做一日都導遊！喺香港有好多唔同嘅嘢食唔同菜式都有，但係我朋友就話想食一啲地道啲嘅餐廳！同埋佢淨係喺香港留一日，所以想帶佢食好啲之餘又可以感受到香港嘅人情味！個腦即時諗起嘅就係呢一間<前家樂>😍我自己由一年前開始已經會一想食雞煲就會約朋友過嚟食，最令我深刻嘅就係呢度嘅老闆每次都會好親切咁過嚟招呼，同埋有時佢冇咁忙嘅話都會傾吓計！老闆今次介紹咗我哋食佢另一款好用心烹調嘅花雕醉雞煲！果然好介紹！呢度嘅雞一直都係新鮮三黃雞，所以雞肉嘅肉質好彈牙同埋好香！呢個係不用質疑嘅事實！今次再試埋佢嘅呢個花雕湯底，真係好好食好入味！打邊爐好怕好油好肥膩嘅感覺，但係呢個花雕醉雞反而係會好補身因為加入左少少藥材成份，同埋一啲都冇油膩嘅感覺！所以食幾多都唔怕！另外仲叫咗一份雪花肥牛同埋少量雲吞水餃同埋炸魚皮！雪花肥牛好正！脂肪同肉嘅比例啱啱好！又唔會太肥又唔會太瘦搞到好un！完全唔需要點任何醬料！如果唔係就食唔到本身肥牛嗰種味道！👍🏻👍🏻👍🏻最後朋友當然大讚呢度嘅食物質素都好高同埋服務態度好好☺雖然比不上五星級酒店嘅靚景同埋環境，但係亦有五