初鮨 (已結業)

即將告別wfh，要食返餐飯彌補一下傷心嘅心靈！今日點選中價位 梅！🤍前菜沙律菜爽脆配柚子汁好開胃，而更後呈上的蟹肉茶碗蒸足以暖胃，入口帶鮮，口感軟滑，唯蛋香未算太濃。🤍刺身三品北海道帶子、鰆魚、劍魚各有千秋，先品嚐肉身豐厚嘅帶子，食落純淨鮮甜；再嚐兩款嘅魚刺身，食落毫無腥味，微微火炙後更油香柔嫩！🤍壽司十貫紋甲墨富有彈性，配以柚子皮的微甘，配搭不俗；池魚油脂甘香具黏口感，肉質軟嫩，特別喜歡師傅加上少少辛辣作點綴；而深海池魚集白身魚和赤身魚嘅油香，食落微爽，極為鮮甜；竹莢魚較少品嗜但火炙後逼出的油份令味道更為鮮甜；金目鯛人稱鱲魚公主，肉質紅潤厚實惟略帶筋位；銀鱈魚入口暖身，食落好嫩；左口魚邊入口油脂滿溢，蘸上黑松露醬都無被搶味；北海道海膽色澤橘紅，入口甘飴，口感幼滑！🤍湯品、甜品湯品較鹹，但料子滿滿，職員亦有遞上熱茶，最後的榛子雪糕香滑帶幼粒，作為幸福的結尾～
👍🏻👍🏻職員更會適時換上抺手紙巾，服務不俗！