影片
更多
2018-02-25
477 瀏覽
每年年頭都會食好多餐生日飯，黎到二月，壽星朋友最愛食麵包類食物，於是乎上openrice到望下油尖旺有咩好野食係啱我呢位朋友仔。麵包類食物唔係pizza就係burger，見到旺角呢間食pizza好似幾吸引，而且經openrice訂枱食飯仲有25「亞洲萬里通」里數送，所以就去試下啦!呢間店係喺麥花臣球場附近，地方有少少偏僻，平時都未必會行嗰邊。我地訂左6點半，入到去燈光偏暗，感覺唔錯，可能平日關係，只有中間兩檯客共四人，店員問我地幾位之後竟然安排我地坐喺兩檯客之間，我當堂打左個突，其實我都明做生意就係咁，佢都係想留返啲連住既檯俾之後黎既客，不過我估唔到我地咁早到都要坐到咁迫，不過是日心情靚，所以算數啦!講返食物，因為我地得兩個人所以只係叫左兩樣野食同一杯咖啡，分別係 “Devil Pizza” 同埋 “Selection of Cold Cuts and Cheeses”。Devil ($125) – 有蕃茄醬、水牛芝士、意大利辣肉腸、香料橄欖油Pizza熱辣辣，但餅邊有啲硬，食唔到其他食評所講既”好脆”，可能咁啱呢塊整得唔好啦…不過好彩有上面啲配料加味道搭夠。Selection of
呢間店係喺麥花臣球場附近，地方有少少偏僻，平時都未必會行嗰邊。我地訂左6點半，入到去燈光偏暗，感覺唔錯，可能平日關係，只有中間兩檯客共四人，店員問我地幾位之後竟然安排我地坐喺兩檯客之間，我當堂打左個突，其實我都明做生意就係咁，佢都係想留返啲連住既檯俾之後黎既客，不過我估唔到我地咁早到都要坐到咁迫，不過是日心情靚，所以算數啦!
講返食物，因為我地得兩個人所以只係叫左兩樣野食同一杯咖啡，分別係 “Devil Pizza” 同埋 “Selection of Cold Cuts and Cheeses”。
Devil ($125) – 有蕃茄醬、水牛芝士、意大利辣肉腸、香料橄欖油Pizza熱辣辣，但餅邊有啲硬，食唔到其他食評所講既”好脆”，可能咁啱呢塊整得唔好啦…不過好彩有上面啲配料加味道搭夠。
Selection of Cold Cuts and Cheeses ($120)三款火腿同芝士，火腿味道唔錯，唔會話好咸，反而啲芝士我就唔太欣賞，另外佢會連埋啲麵包俾我地同啲火腿芝士一齊食，但啲麵包係凍既，應該擺左一段時間，我覺得唔好食…
總括黎講︰
食物價錢唔算太貴，兩個人食左兩樣野加杯咖啡連埋加一大約$300﹔
食物質素就正常啦，無乜特別，另外飲品款式就比較少，只有啤酒、汽水、咖啡﹔
環境都可以，幾適合同朋友放工後傾計講是非，不過檯同檯之間好貼，基本上隔離檯會聽到晒你講既野，最後同朋友食完野，朋友話唔想繼續坐落去想走，我地走既時候都係未坐滿既。
張貼
