The Pearl

想係尖沙咀搵個有格調嘅地方chill下，摸下酒杯底，但又唔會太嘈，呢度不失為好選擇。✨自家製焗蟹肉餅 外層酥脆，裡面係滿滿嘅蟹肉，誠意十足。蟹肉亦好鮮味。醬汁係紅菜頭醬汁，都幾新鮮。✨鮮蝦煙肉意式多士 法包上有彈牙鮮蝦，再配上煙肉同芝士，上軟下脆，鹹香味十足。✨燴澳洲牛面頰 面頰肉肉質軟腍，肉味香濃。配有和牛薯餅，外層香脆，內裡好實在，和牛同薯仔打得好滑。✨慢煮伊比利亞黑豚肉黑豚肉肉質鮮嫩彈牙，配上梨蓉醬，幾清新。配菜有蘆筍、薯蓉同蘆筍。飲品方面，叫左一杯cocktail一杯mock tail。✨The Pearl係signature Drink。佛手柑為主調，清新酸甜，酒味濃。因以香檳汽酒作酒底，建議唔好放太耐，否則酒味同果味會容易失衡，酒味過濃。✨First Love以菠蘿同青瓜為主調，非常清新，食完肉類飲都幾舒服。