長洲張記

營業中

休息中

是日同朋友黎長洲一日遊，覺得食小食唔夠飽，想食少少粉麵墊肚，於是揀左呢間係落船位行兩步就到既麵檔，原來呢間野都好有歷史啦，記得好耐以前黎長洲都有食過呢間麵檔，果時仲俾人安排上二層，要穿過有歷史既窄樓梯先上到去，不過今次就俾人安排坐地下。比起以前食真係貴左好多，雙拼係三十八蚊，始終長洲都真係多左好多遊客去，所以由以前細個食既街坊價變左而家既旅客價。甘同朋友一人叫左一碗雙拼麵，我叫左牛筋雲吞河，佢牛類餸都會加左腩汁，因為有朋友唔食牛所以問左店員，話唔係牛既湯都係魚湯冇牛係入邊。雖然價錢貴左不少，但碗麵都冇咩變，都係幾好食，而且我最中意係佢既辣醬，餸麵一流，牛筋好腍有咬口，雲吞比起以前細隻左冇甘多餡，令人有啲失望，湯底都係甘唔錯。叫左油菜share，二十蚊一碟，只得生菜揀，汁就有3種，腩汁、蠔油或豉油，我地揀左豉油。一碗麵細細碗份量唔算好多，食完墊下肚仲有quota出去掃街。