影片
更多
2017-09-29
676 瀏覽
由學生時期到初出黎工作，都仍然不時有身邊人會約黎呢度食放題，自從個人少食放題，兼且就算食，都通常去番大_屋品牌之後，都有一段時間冇黎過兆萬食野了。一直以為兆萬只有放題，都係朋友講我先知有間韓國野，最近狂睇《三時三餐》，每逢一播到EChef煮食，我都流哂口水，所以都瘋狂食韓國野。週二晚收工就同幾個朋黎左呢間Yadllie Plate，都係事後先知經op訂位，有唔少時段都有折扣，不過我地收工時間都享用唔到，冇乜所謂，但如果想食，不妨睇下有冇時段啱，然後先行預約，慳番唔少。餐廳位於11樓，店員見到我地後，都好快招待，餐廳裝潢簡單，座位唔算話好多，晚飯時間都接近爆滿，樓底頗高，而且冇好似大部分韓國餐廳咁，播到啲音樂好大聲，如果想同朋友傾下計，食雞飲啤酒，都係相當舒適。餐牌嘅選擇唔算好多，但想食嘅都有齊，哈哈。有多款口味嘅炸雞、部隊鍋、煎餅、蛋卷、排骨、蓋飯、拌麵、年糕、沙律、甜品、飲品等，定價同幾間比較出名嘅連鎖韓國菜差不多。海洋之盤 $178呢份有啤酒炸蝦配炸魚薯條，仲有洋蔥圈，薯條同洋蔥圈都係即時炸起，入口香脆，配上柚子醬、茄醬，都好好味。炸蝦、炸魚嘅粉漿唔厚，入口香脆之餘，蝦肉都好彈牙，
餐廳位於11樓，店員見到我地後，都好快招待，餐廳裝潢簡單，座位唔算話好多，晚飯時間都接近爆滿，樓底頗高，而且冇好似大部分韓國餐廳咁，播到啲音樂好大聲，如果想同朋友傾下計，食雞飲啤酒，都係相當舒適。餐牌嘅選擇唔算好多，但想食嘅都有齊，哈哈。有多款口味嘅炸雞、部隊鍋、煎餅、蛋卷、排骨、蓋飯、拌麵、年糕、沙律、甜品、飲品等，定價同幾間比較出名嘅連鎖韓國菜差不多。
海洋之盤 $178
呢份有啤酒炸蝦配炸魚薯條，仲有洋蔥圈，薯條同洋蔥圈都係即時炸起，入口香脆，配上柚子醬、茄醬，都好好味。炸蝦、炸魚嘅粉漿唔厚，入口香脆之餘，蝦肉都好彈牙，但最滿意一定係炸魚，皮脆肉嫩，而且好滑。作為第一道上菜，初始印象可好呢
海洋之盤
$178
20 瀏覽
0 讚好
0 留言
海洋之盤
$178
18 瀏覽
0 讚好
0 留言
炸雞方面分無骨雞($98)同原隻35天嫩雞兩款，後者可選炸雞/烤雞，而且可以「半/半」，適合幾個人又想試多幾款味道的話，彈性較高。口味方面有原味、蔥、蒜香、蜜味芝士粉、乳酪粉、醬油幾款，定價$148，半半口味加10蚊。而有骨炸雞、調味醬料更加係強調原隻由韓國入口，原汁原味。
蔥蔥蔥+黃金蒜香烤雞 $158
如果有烤雞揀我一定係揀烤的，一般黎講冇咁熱氣 (自我感覺良好)，肉質又嫩啲。因為佢地用嘅係35日嫩雞，所以size比較細隻，春雞份量，兩個人要食哂應該冇難度，如果人多，一盤相信唔夠。除左雞仲附上少量薯條，我地有四個人，就剛好每種味道試到一件。
蔥烤雞味道清新唔油膩，外皮烤至金黃色，雞肉依然好嫩，雖然未至於滑溜，但絕對唔乾柴，質素唔錯
至於蒜香烤雞，更得我心，蒜香十足，相當入味，食完一件想食多件呢。
蔥蔥蔥+黃金蒜香烤雞
$158
7 瀏覽
0 讚好
0 留言
蔥蔥蔥+黃金蒜香烤雞
$158
17 瀏覽
0 讚好
0 留言
蔥蔥蔥+黃金蒜香烤雞
$158
9 瀏覽
0 讚好
0 留言
海鮮部隊鍋 $198
絕對明白好多人覺得出街食部隊鍋係好浪費的，不過我睇完三時三餐，好想食豆腐辣湯，但呢度未有供應，所以我點左味道類似嘅部隊鍋，滿足一下辣癮。而且實物都比想像中豐富，配料亦唔會覺得好hea，入面有蝦、青口、份量唔少嘅蜆肉、年糕、泡菜、煙肉、雞尾腸、通粉等，味道相當唔錯，我只係要求湯底夠辣就滿足了，而呢鍋亦都唔會太鹹。蝦肉爽口，蜆仔雖然比較細粒，但乾淨冇沙而且飽滿本來仲想加錢點個辛辣麵，但見鍋底入面原來有通粉，就量力而為了。
海鮮部隊鍋
$198
34 瀏覽
1 讚好
0 留言
醬油魚介湯鍋 $178
之前去過韓國，可能國為當時天氣凍，我好鐘意食當地嘅魚糕串，飲啖湯，成個人暖笠笠。喺香港點魚糕湯，確實冇咁好食。
湯底清清地，有啲似關東煮咁，我地之後再沾少少醬油食，就會好食啲，否則太淡，去到後期，我地將配料放埋入部隊鍋中。
魚糕、魚腐、仲有少量雜菌同埋粉絲，因為雪藏得比較硬，所以要淥淋都需時。
醬油魚介湯鍋
$178
8 瀏覽
0 讚好
0 留言
醬油魚介湯鍋
$178
17 瀏覽
0 讚好
0 留言
芝士蟹子蛋卷 $108
芝士蛋卷係另一樣韓國菜幾乎必定有的，雖然做法好似好簡單，但都唔係間間整得好食…
呢度嘅蛋卷都幾大份，裡面加有芝士同蟹籽，芝士未算做成拉絲，可能份量唔多，所以芝士味都未算濃烈；反而蟹籽有不少，口感豐富。
至於蛋卷嘅本身，就煎得唔算太香滑。
芝士蟹子蛋卷
$108
13 瀏覽
1 讚好
0 留言
紫菜蟹子手抓飯 $78
朋友係飯桶，冇飯落肚唔安樂，本來掙扎不如點蓋飯，但驚太飽，最終揀左手抓飯，四人分享剛好。
其實紫菜包飯真係幾好食，本身其鹽份，所以都冇需要其他調味，裡面仲有蟹籽，令成件事冇咁dry，自己喺屋企都可以咁食。
店員本來仲細心想幫我地做埋，不過我地婉拒左，自己親手做嘛，賣相可能冇咁靚，但幾好玩
紫菜蟹子手抓飯
$78
9 瀏覽
1 讚好
0 留言
紫菜蟹子手抓飯
$78
10 瀏覽
0 讚好
0 留言
芒果菠蘿 $98/1000ml
芒果菠蘿
$98
11 瀏覽
0 讚好
0 留言
夢中飛雪 $58（青檸薄荷梳打）
夢中飛雪
$58
11 瀏覽
0 讚好
0 留言
蔚藍飛雪 $58（藍莓乳酪沙冰）
蔚藍飛雪
$58
23 瀏覽
1 讚好
0 留言
餐廳仲好貼心，呢個卡位有提供USB叉電位置、手套、紙巾。
餐牌：
張貼
