影片
更多
2021-06-02
655 瀏覽
放工相約咗朋友去觀塘食晚飯，我哋揀咗位於The Wave六樓嘅「Deer Kitchen」。一上到去已經覺得環境唔錯，四周圍都有用上鹿鹿作裝飾🦌，幾得意，啱哂打卡。餐廳做緊唔少推廣優惠🈹，例如十蚊隻生蠔同指定半價項目。適逢今日係星期三，嗌意粉有半價，開心😃。呢度有提供晚市套餐🍽，共八款選擇，價錢由$198至$308不等，包前菜、湯、主菜同飲品。唔啱食的話，亦可轉戰單點菜式。我哋叫咗一份晚餐，其餘散叫。黑松露意大利雲吞，跟餐前菜三選一，呢道菜嘅造型都算有花過心思。最面頭黃色一條條嘅係炸雲吞皮，口感微脆；而下低就係主角意大利雲吞🥟。由於大量醬汁將雲吞遮蓋，所以睇唔到佢個形狀，食落覺得佢應該係素雲吞嚟。黑松露汁香濃惹味，但記得要撈勻先好食，齋食就好鹹。大蒜薯仔湯，係是日餐湯，🥔薯仔煲到溶哂，口感幾過癮。雖然蒜味真係幾勁，唔太啱我口味，但我都欣賞佢唔係煲一般嘅忌廉湯或者羅宋湯。新鮮生蠔($10/隻)，🦪生蠔勁抵，只可惜我唔食🙈。朋友自己一個啪咗半打，佢話味道都鮮，只係唔算好肥美而已。慢煮紐西蘭牛柳伴香煎砵酒鵝肝($308)，🥩慢煮牛柳好高質，色香味俱全，攞盤好靚！牛柳切開後，見到肉身好粉嫩，牛
放工相約咗朋友去觀塘食晚飯，我哋揀咗位於The Wave六樓嘅「Deer Kitchen」。一上到去已經覺得環境唔錯，四周圍都有用上鹿鹿作裝飾🦌，幾得意，啱哂打卡。
餐廳做緊唔少推廣優惠🈹，例如十蚊隻生蠔同指定半價項目。適逢今日係星期三，嗌意粉有半價，開心😃。
呢度有提供晚市套餐🍽，共八款選擇，價錢由$198至$308不等，包前菜、湯、主菜同飲品。唔啱食的話，亦可轉戰單點菜式。我哋叫咗一份晚餐，其餘散叫。
黑松露意大利雲吞，跟餐前菜三選一，呢道菜嘅造型都算有花過心思。最面頭黃色一條條嘅係炸雲吞皮，口感微脆；而下低就係主角意大利雲吞🥟。由於大量醬汁將雲吞遮蓋，所以睇唔到佢個形狀，食落覺得佢應該係素雲吞嚟。黑松露汁香濃惹味，但記得要撈勻先好食，齋食就好鹹。
大蒜薯仔湯，係是日餐湯，🥔薯仔煲到溶哂，口感幾過癮。雖然蒜味真係幾勁，唔太啱我口味，但我都欣賞佢唔係煲一般嘅忌廉湯或者羅宋湯。
新鮮生蠔($10/隻)，🦪生蠔勁抵，只可惜我唔食🙈。朋友自己一個啪咗半打，佢話味道都鮮，只係唔算好肥美而已。
慢煮紐西蘭牛柳伴香煎砵酒鵝肝
$308
13 瀏覽
0 讚好
0 留言
慢煮紐西蘭牛柳伴香煎砵酒鵝肝($308)，🥩慢煮牛柳好高質，色香味俱全，攞盤好靚！牛柳切開後，見到肉身好粉嫩，牛肉味超濃，肉質唔韌，夠多汁🐮。佢亦都好大件同厚身，食落有滿足感。相反煎鵝肝就爭啲啲，因為欠缺入口即溶嘅口感，但味道都唔腥，正常啦。作為伴菜嘅紫薯蓉幾好味🍠，甜甜的，但又唔會膩。另外，配菜仲有豆苗、露筍同南瓜等。
香濃芝士煙肉煙斗粉
$128
10 瀏覽
0 讚好
0 留言
香濃芝士煙肉煙斗粉($128)，呢碟Pasta幾正🍝，無論醬汁定煙斗粉都處理得好好。煙斗粉其實似XXXL嘅通心粉，口感彈牙有嚼勁，空心嘅設計令佢好掛汁。🧀芝士汁鹹香十足，🥓配合埋煙肉粒食，成個組合好夾，亦難得唔漏。不過建議要襯熱食，始終芝士凍咗就差好遠。
Pick Me Up Tiramisu
$58
21 瀏覽
0 讚好
0 留言
荔枝菠蘿碟豆花梳打
$48
11 瀏覽
0 讚好
0 留言
總括嚟講，呢間鹿鹿餐廳好有水準👍，食物味道令人滿意。價錢方面，人均消費要三百幾蚊，我認為稍貴，畢竟係觀塘區嘛，但起碼質素都對得住個價嘅，有機會都可以再嚟食過。題外話，餐廳樓上好似係健身室，所以有時會聽到震撼嘅聲響🙉，有啲搞笑🤣。最後，我上載埋餐廳嘅完整餐牌以供參考🙏🏻。
張貼
