影片
更多
2005-07-09
8 瀏覽
03/07/2005 19:30同女友行海港城，佢話想食西餐，不過果頭諗極都諗唔到邊間餐廳又好食又坐得舒服，當然仲要唔太貴啦！所以最後就搭巴士去左Sweet 19。呢度都唔算偏辟，但就非常之靜，o岩晒情侶黎傾下計撐下檯腳。行到門口時見到o的cake非常吸引，已經決心要一試，間餐廳唔算大，三十至四十個座位到，佈置以簡單為主，昏暗的燈光幾有浪漫氣氛。Set dinner($138)有湯、主菜、甜品及飲品。女友要了甘荀忌廉湯、紐西蘭西冷；我就點了意大利菜湯、大蝦拼三文魚。忌廉湯好creamy，不過甘荀味唔夠香，菜湯就普普通通，勝在幾多料。主菜方面，女友西冷要七成熟，但上檯時切開後仍是血淋淋的，所以召來一位侍應，他認為只有三至五成熟，隨後便有禮地收起送到廚房，兩分鐘後送出來的已是一件合心水的牛扒，服務方面值得一讚。西冷不算大件但有肉汁，配菜的薯蓉甘香，而我的燒大蝦肉質鮮嫩彈牙，蝦頭有膏甘香，三文魚亦新鮮，淋上的香草沙律汁配合得宜，惜份量太少。甜品方面要了一件跟餐的朱古力蛋糕，另一件就加$12要blueberry cheese cake，兩者都不錯，但單買cheese cake一件要$33好像貴
同女友行海港城，佢話想食西餐，不過果頭諗極都諗唔到邊間餐廳又好食又坐得舒服，當然仲要唔太貴啦！所以最後就搭巴士去左Sweet 19。
呢度都唔算偏辟，但就非常之靜，o岩晒情侶黎傾下計撐下檯腳。行到門口時見到o的cake非常吸引，已經決心要一試，間餐廳唔算大，三十至四十個座位到，佈置以簡單為主，昏暗的燈光幾有浪漫氣氛。
Set dinner($138)有湯、主菜、甜品及飲品。女友要了甘荀忌廉湯、紐西蘭西冷；我就點了意大利菜湯、大蝦拼三文魚。
忌廉湯好creamy，不過甘荀味唔夠香，菜湯就普普通通，勝在幾多料。主菜方面，女友西冷要七成熟，但上檯時切開後仍是血淋淋的，所以召來一位侍應，他認為只有三至五成熟，隨後便有禮地收起送到廚房，兩分鐘後送出來的已是一件合心水的牛扒，服務方面值得一讚。
西冷不算大件但有肉汁，配菜的薯蓉甘香，而我的燒大蝦肉質鮮嫩彈牙，蝦頭有膏甘香，三文魚亦新鮮，淋上的香草沙律汁配合得宜，惜份量太少。
甜品方面要了一件跟餐的朱古力蛋糕，另一件就加$12要blueberry cheese cake，兩者都不錯，但單買cheese cake一件要$33好像貴了點。
這小店的出品相當有水準，環境和服務也不錯，要找一個三五知己晚飯後可以傾計的地方，這是很好的選擇。
埋單$320，物有所值。
張貼
