高流灣海鮮火鍋 (已搬遷) 新店位置

晚上竟然友人請我們去高流灣食宵夜！噢！唔係我老公嘅家鄉，係尖沙咀山林道嘅高流灣海鮮火鍋店（樓上鋪）！ 昨晚我先至發現完來冬蔭公湯底同海鮮可以咁夾嫁！個冬蔭公湯底咁正，我梗係整番碗先嗱！（不過愛辣嘅人可能就要加辣！）估唔到佢用嚟啅新鮮嘅象拔蚌絕對係 Perfect match！ 三文魚新鮮又肥美，連唔鍾意食生嘅蝦嘅我都忍唔住食咗隻！哇！佢真係爽滑彈牙又鮮甜！再嚟三杯新鮮嘅海膽漱漱口，哇！好甜ㄚ！再來…生豪、餃子、魚皮餃、手打鮮墨圓、蟹子蝦絞油炸鬼…乜鬼？！噢！尼個個樣ㄧ般，但係好有特色嫁！將蝦絞油炸鬼浸落去海鮮湯底ㄧ鎮，（因為蝦絞重、油炸鬼輕所以唔洗會太林！咁！當然唔好淥到唔記得咗佢嗱！） 哇！估唔到其貌不揚嘅佢，蝦絞彈牙、油炸鬼夠脆再加埋 D 蟹子响個口裏面卜卜聲咁特別、又好味！絕對令你有全新嘅口感！ 最令我另眼雙看嘅竟然係 –餃子！佢絕對唔係普通嘅餃子！（呂奇口音）因為佢係ㄧ隻ㄧ食就深深愛上嘅– NN！（盧 David 口音）海膽餃子！哇！好好味ㄚ！（因為掛住食同傾，忘記影底張相