影片
更多
2019-04-27
150 瀏覽
上水區冇乜台灣菜食店，所以好開心終於開咗呢間又就腳，價錢又抵食嘅！個名都夠哂台灣，拎哂兩個香港人最鍾意去嘅台灣地方做名👍🏻講返嘢食，餐牌食物選擇好多，除咗台灣特色嘅嘢食，仲有一啲有返香港味道嘅餸菜，本menu揭極都仲有，一度諗唔到食乜好😂當然食台灣嘢一定要嗌紅燒牛肉麵，呢度好貼心講到明係微辣，對於辣好敏感嘅人真係會食到少少辣，其他人就應該唔會好覺啦。碗麵牛肉份量好多仲要係大大舊，牛肉係半肉半筋，真係好抵讚👍🏻麵底有得揀粗麵幼麵，貫徹咗呢間餐廳俾食客好多選擇嘅風格。我就揀咗粗麵，啲麵好有咬口，真係似係台灣食嘅牛肉麵！然後仲嗌咗個芝士培根手抓餅，邪惡芝士拉哂絲，淋係上面嘅醬汁有沙律醬同木魚碎，有少少和式嘅感覺。我同友人都一致覺得好好味，不過記得要趁熱食！另外仲嗌咗滷肉飯同落嚟送飯嘅金銀蛋浸菜心。個飯好香口，份菜都好大份，鹹蛋皮蛋都好足料👍🏻最尾嘢飲嗌咗奶蓋紅茶同紫薯牛奶。好值得欣賞嘅係呢度有部分嘅嘢飲有得揀甜度（全糖，半糖，少糖，微糖等等），好多餐廳即使係台式餐廳都冇得咁樣揀。雖然呢兩杯都冇得揀甜度，但飲落都唔會好甜。紫薯鮮奶唔會係成杯好假嘅色素紫色，而係淡淡嘅紫色，食落好有紫薯嘅味道仲咬
講返嘢食，餐牌食物選擇好多，除咗台灣特色嘅嘢食，仲有一啲有返香港味道嘅餸菜，本menu揭極都仲有，一度諗唔到食乜好😂
當然食台灣嘢一定要嗌紅燒牛肉麵，呢度好貼心講到明係微辣，對於辣好敏感嘅人真係會食到少少辣，其他人就應該唔會好覺啦。碗麵牛肉份量好多仲要係大大舊，牛肉係半肉半筋，真係好抵讚👍🏻麵底有得揀粗麵幼麵，貫徹咗呢間餐廳俾食客好多選擇嘅風格。我就揀咗粗麵，啲麵好有咬口，真係似係台灣食嘅牛肉麵！
然後仲嗌咗個芝士培根手抓餅，邪惡芝士拉哂絲，淋係上面嘅醬汁有沙律醬同木魚碎，有少少和式嘅感覺。我同友人都一致覺得好好味，不過記得要趁熱食！
另外仲嗌咗滷肉飯同落嚟送飯嘅金銀蛋浸菜心。個飯好香口，份菜都好大份，鹹蛋皮蛋都好足料👍🏻
最尾嘢飲嗌咗奶蓋紅茶同紫薯牛奶。好值得欣賞嘅係呢度有部分嘅嘢飲有得揀甜度（全糖，半糖，少糖，微糖等等），好多餐廳即使係台式餐廳都冇得咁樣揀。雖然呢兩杯都冇得揀甜度，但飲落都唔會好甜。紫薯鮮奶唔會係成杯好假嘅色素紫色，而係淡淡嘅紫色，食落好有紫薯嘅味道仲咬到啲紫薯蓉，飲得出真係有打咗啲紫薯落奶度而唔係沖出嚟或者溝啲糖水。
呢次係度食嘢嘅經驗好好，職員服務都唔錯，會主動俾碗仔我地分食物。值得再嚟😊
張貼
