The Joomak (已結業)

原本訂咗位，點知都要等30分點。因為有朋友食素，所以特別揀Joomak，知道menu有比較多健康素食。今日有兩個壽星公，所以大家都不嗇惜地去叫菜。其中4°C 手拉冷麵雖然味道平平，但賣相贏晒，乾冰令冷麵煙霧彌漫，適宜映相呃nice！另外紫菜芝士溶岩包賣相亦同樣特出，整個烘焙方包挖空裝滿熔咗嘅芝士，配上串串炸物，但芝士䊢都幾快被方包，要點炸物就要快手。我哋亦叫咗混醬炸雞，因為有6種醬汁任點，我就覺得菠蘿椰香醬同黑糖梅子醬。素食中我咃點咗柚子蜜炸韓蔘、素芝士紫薯粟米同羽衣甘籃煎餅，都算幾特別。另外吉列韓式牛肋骨非常脆口，都幾好味。整體上味道OK，但菜式設計及賣相有心思，比較一般韓國菜突出。