醉瓊樓酒家

營業中

休息中

以前聽呢個名，一定係食傳統小菜為主，今次再去食lunch已經轉變成可以食碟頭飯。真聰明，真有生意頭腦！一入到鋪頭，見到職員分緊野，我無細心睇，仲以為係例湯！點知原來一陣我地都受惠到><。驟眼睇，素食選擇真係唔多零零丁丁有一個「羅漢齋」。開頭都幾驚、70幾蚊先一碟，原來果個係小菜價錢，講真lunch我唔會食咁貴囉。呢個羅漢齋係好食既、亦擺脫左傳統羅漢齋果種味道。一來個汁唔會好杰；二來個可以清楚食到每一隻蔬菜既味道、清得黎唔會太寡。最意想不到真係個飯後糖水，就係頭先一入門口見到職員分緊、「黃甘甘」既物體。真係好好味，夠凍；芒果夠甜無楂，而且茜米質感好。下次留肚食多碗><！