御進私房菜 (已結業)

昨天與貪狼經過，觀摩食肆過年後加價情况，竟然這裏午市有9折，擇日話要試，今日問佢那裏食，佢話來此處，啊，叫佢睇有冇位call我，同事食晏去食麥記，一邊食河粉，另一邊買飯盒，我一個老秘，唔敢話俾人聽食咁奢侈，私房菜！去到才發現每位收$16茶，套餐$128起，餐前辣菜小碟。燉湯是用白色磁器蛊盛，魚趐邊裙，可用圓 筒形容，厚身，像熟珊瑚蚌卷曲，好濃魚趐味，配南北杏有色粟米紅青蘿蔔廋肉，看去好清，不肥，但我所知紅青蘿蔔去漬，魚趐滋陰，但都不理反正好飲就算。欖菜豆豉炒雜菌，夠鑊氣，好香，豉味多，欖角甘味食唔，個人喜歡多些欖角-珍珠菌秀珍菇雞髀菇，彈彈爽，不油。陳皮咕嚕肉，堅嘅有陳皮味，鮮菠蘿擺側邊， 肉可說爽脆（那部份），有嘲頭掛汁，配合頂爺話考工夫之作，汁不可多，每次都會想起外婆，每逢過節（或者佢自己生日），都會弄這菜式俾孫兒吃，有感情！菠菜蕃茄草菇浸魚湯，湯奶白色又唔油，有味，是否魚湯令菠菜苗那麽滑！紫米椰汁露，椰汁濃，唔太甜，西米入口溶化，不稠，但我個人喜歡名門腐竹薏米糖水，環境燈光這裏感覺好些，食中式，有中國藝術元素，增加美意及食慾，這裏又幅大字畫，合儂意，又一次升呢，又行咗條不歸路！在