博多拉麵別天神 (已結業)

去到尖沙咀食嘢，見到呢一間排長龍嘅拉麵，非常受歡迎，一定好好食。於是我同朋友等咗一陣，大概15分鐘左右，就到我哋啦！其實都算快。一到去發現原來只有兩種麵，一種就係普通嘅豚骨拉麵，另外一種就加左蝦乾嘅豚骨拉麵啦 。咁我哋就叫咗兩個套餐呀一個就跟沙律另外一個跟餃子。蟹子沙律好似有少少wasabi味呀，感覺都幾清新。但係我就比較鍾意餃子多啲啦，入面都有唔少嘅蔬菜，感覺好健康，而且煎得啱啱好，幾香口。蝦味噌豚骨拉麵個湯底好濃，個口味都算幾重呀，如果想要淡味啲，就都係建議叫番豚骨拉麵。 溏心蛋超好食，又甜又滑！叉燒都燒得唔錯。豚骨湯麵湯底據說是反覆煲2至3次，共約7至8小時才成，湯色奶白而清澈豬骨味道濃郁。拉麵幼身順滑兼彈牙。由廚師重點炮製的叉燒肥瘦均勻，味道可口，但只得2片，吊人胃口。同碗仲有一隻流心蛋微甜軟滑不太膩。整體性價比不俗，難怪可以日賣過百碗。