影片
更多
2015-07-12
857 瀏覽
都市人往往壓力很大，卻不懂得釋放，往往小題大做，小事化大，期實都係想囉番個彩。這個就是小弟所犯下的錯，所以周末就和女朋友外出食個Brunch 補補隻鑊 。Bo-Lo'GNE 其實自己已食過好多次，價錢不貴但食材用料有誠意。老實講，$120 - $170 個頭，係沙田新城市，算係咁。星期日午市無得訂位, 所以早啲去希望唔洗等位,結果12點到都係要等20分鐘。今次 brunch 女朋友點咗$108 早餐, 配豬柳漢堡2塊。 本新早餐已經配炒蛋, 煙肉, 薯餅, 麵包, 肉腸及沙律。 呢度麵包好食唔講啦, 大家都知。 講講個沙律 - $108 俾火箭菜, 羅馬賽加黑醋, 識食嘅都知到呢啲菜唔係平價貨 。誠意加分 佢地近期新出咗個安格斯漢堡餐 $158。 初初有小小十五十六， 7.5oz 安格斯漢堡賣158, 出去其他地方食一定過$200，莫非金玉其外？最後抱住勇於賞試新事物，都係點咗份。店員話製作需時，要等15-20分鐘，無問題啦，起碼一定新鮮。真係等咗20分鐘先到，女朋友的早餐也差不多食完。心諗， This better be good . 賣相不錯, 厚厚的的漢堡肉, melted c
都市人往往壓力很大，卻不懂得釋放，往往小題大做，小事化大，期實都係想囉番個彩。這個就是小弟所犯下的錯，所以周末就和女朋友外出食個Brunch 補補隻鑊 。
Bo-Lo'GNE 其實自己已食過好多次，價錢不貴但食材用料有誠意。老實講，$120 - $170 個頭，係沙田新城市，算係咁。星期日午市無得訂位, 所以早啲去希望唔洗等位,結果12點到都係要等20分鐘。
今次 brunch 女朋友點咗$108 早餐, 配豬柳漢堡2塊。 本新早餐已經配炒蛋, 煙肉, 薯餅, 麵包, 肉腸及沙律。 呢度麵包好食唔講啦, 大家都知。 講講個沙律 - $108 俾火箭菜, 羅馬賽加黑醋, 識食嘅都知到呢啲菜唔係平價貨 。誠意加分
佢地近期新出咗個安格斯漢堡餐 $158。 初初有小小十五十六， 7.5oz 安格斯漢堡賣158, 出去其他地方食一定過$200，莫非金玉其外？最後抱住勇於賞試新事物，都係點咗份。店員話製作需時，要等15-20分鐘，無問題啦，起碼一定新鮮。
真係等咗20分鐘先到，女朋友的早餐也差不多食完。心諗， This better be good . 賣相不錯, 厚厚的的漢堡肉, melted cheese 加 bacon (煙肉要加+$18), 可以
漢堡包份量唔細, 要切開先食到。 切開見到漢堡大概7-8成熟, 有肉汁 - 正。
很多人不起歡吃酸瓜，我卻很喜歡。見到餐廳也顧及到這點，把酸瓜放在旁邊，讓客人自己選擇食與否。吃完半個漢堡，真的有點飽飽地，食條酸青瓜，好開胃，再食埋個半個。薯條未食已經 KO 了
直得一提，呢個漢堡包賣點並非完全係塊牛肉，而係個包。 其他餐廳的漢堡，就算付上 $200-$300 到係用傳統嘅漢堡包，包身一般都好乾，無乜特別。呢度嘅漢堡包係用佢地最出名嘅81層麵包做，十分軟熟，出面一定食唔到。
餐飲，點早餐的可以免費升級飲茶葉茶，免費加熱水。女朋友點了純薄荷葉茶，幫佢順番條氣。 我點了 Cappuccino。 Cappuccino 合格, 厚厚的泡沫，出面很多也做不到。
呢度服務是有的，但不要渴望有酒店級的服務，不境人頭消費也只不過$120-$170, 員工都忙過不停的。 服務及食品質素合理有餘。
最後和經理談了一會，問她對招聘國內人士的看法，她一句，甚有見解。 香港人不等於能力比國內人好，只不過廣東話能力可能稍為優勝。我們不會標籤人的來處，只會按他們的能力用其所長。
餐廳有儲印花計劃，每消費$50有人個印花。有唔同嘅免費食物或飲品送番比客人，有沙律，甜品，小食，折扣，免費午/晚餐等。今次消費$310又有6個印花, 下次終於夠印花可以免費換 $158晚餐1份。P.S. 前面的換咗都可以繼續儲落去，埋單一定要記得問服務員取印花。
張貼
