Umi

營業中

休息中

今日放工經過附近，想搵一間樓上Cafe可以一路食嘢一路睇風景，search到呢間餐廳，見到好多好評，於是上嚟試吓。一入到餐廳，就比好大幅嘅玻璃窗吸引住，一望出去就係維港嘅景色。一行兩人，各自叫咗一個主菜，加$48可以揀自選飲品及精選甜品。如加$88就有自選飲品及自選甜品。由於是日嘅精選甜品唔合口味，所以揀咗$88嘅自選甜品。🍛蒲燒鰻魚意大利丼飯（ $158 ）：非常之推薦！鰻魚非常大條，半隻手臂咁長亦冇骨，另外第一次見唔係配白飯，竟然係配意大利飯，感覺新穎，仲有蛋絲，魚子，木魚碎及蔥絲鋪面，十分之有誠意。意大利飯唔會煮到好硬，味道非常夾。🍔黑松露大啡菇自家手打和牛芝士漢堡配薯條（ $148 ）：又一驚喜之作，漢堡包內的黑松露醬相當美味濃郁，手打牛肉彈牙及入味，足料又唔會煎得好乾，薯條亦十分脆口。🍨繽紛樂榛子朱古力：繽紛樂有兩舊鋪面，面層有cream，底層有味道濃郁嘅金莎朱古力奶，但略嫌太多冰。🍹薄荷朱古力牛角窩夫：一上台哇一聲，竟然有三舊超大嘅薄荷朱古力雪糕，窩夫香脆內軟，中間舊朱古力蛋糕亦唔會太甜，味道非常之夾。埋單$400左右，性價比高，下一次一定會再嚟幫襯。