影片
更多
2020-05-19
2280 瀏覽
媽媽呢排為咗啲家事，忙到氹氹轉😅 為咗唔好要佢咁辛苦，我哋呢排多數都會出街食晚飯、或者買外賣。呢日 #小秘書 約咗朋友喺 #觀塘海濱公園 影相，不過因為天氣嘅關係，我哋只好喺附近嘅空場行吓、避雨👉🏻👈🏻 估唔到呢區發展得咁快，本來嘅工廠區，而家已經變成大公司嘅集中地。要配合咁多人口，附近亦都開咗好多各式各樣嘅餐廳，連媽媽至愛嘅 #金記冰室 亦成為一份子。既然順路，我就順手買啲嘢食返去同屋企人分享。位於 Two Harbour Square 嘅分店，裝修明顯地同其他嘅有啲唔一樣，冇咗懷舊嘅感覺，反而多一種新派嘅氣息。打開餐牌唔使諗， 當然第一個就係要 #咖哩 啦，不過今次我冇要 #牛腩，改咗要 #咖喱雞扒意粉，另外加咗個 #梅菜扣肉、#鮮牛肉湯米粉。等我大概10分鐘，終於搞掂、可以返屋企。經過40分鐘嘅步行+車程，食物仲係暖暖地😉 我先將 #湯底 放入 #牛肉米粉，配埋師傅幫我哋預備嘅香菜，湯味特別濃郁，牛肉唔會鞋烚烚，而 #湯米粉 亦好幼滑😋 至於個梅菜扣肉對我來講就肥咗少少，不過爸爸就鍾意到不得了，梅菜同醬汁調味得啱啱好，因為咁... 我居然食咗成碗白飯落肚🤨 至於個 #咖喱雞扒意
估唔到呢區發展得咁快，本來嘅工廠區，而家已經變成大公司嘅集中地。要配合咁多人口，附近亦都開咗好多各式各樣嘅餐廳，連媽媽至愛嘅 #金記冰室 亦成為一份子。既然順路，我就順手買啲嘢食返去同屋企人分享。
位於 Two Harbour Square 嘅分店，裝修明顯地同其他嘅有啲唔一樣，冇咗懷舊嘅感覺，反而多一種新派嘅氣息。打開餐牌唔使諗， 當然第一個就係要 #咖哩 啦，不過今次我冇要 #牛腩，改咗要 #咖喱雞扒意粉，另外加咗個 #梅菜扣肉、#鮮牛肉湯米粉。等我大概10分鐘，終於搞掂、可以返屋企。經過40分鐘嘅步行+車程，食物仲係暖暖地😉 我先將 #湯底 放入 #牛肉米粉，配埋師傅幫我哋預備嘅香菜，湯味特別濃郁，牛肉唔會鞋烚烚，而 #湯米粉 亦好幼滑😋 至於個梅菜扣肉對我來講就肥咗少少，不過爸爸就鍾意到不得了，梅菜同醬汁調味得啱啱好，因為咁... 我居然食咗成碗白飯落肚🤨 至於個 #咖喱雞扒意粉 都唔錯，#意粉撈埋 #咖喱汁 入口，零舍醒胃， 連平時細食嘅媽媽，都對呢餐讚口不絕呀🤪
只係使百幾蚊就可以令到大家舒舒服服食一餐，唔使煩、唔使買、又唔使煮.... #外賣服務 正係為我呢啲 #為食嘅大懶人 而設㗎😋
張貼
