微笑韓國料理 (已結業)

放工去咗尖沙咀食飯，嚟呢度好自然就會聯想起韓國菜🇰🇷。朋友話帶我去食新嘢，佢之前誤打誤撞出錯𨋢，發現有間裝修幾靚嘅餐廳，名叫「微笑韓國料理」。餐廳環境果然係幾有特色，佢唔係行新派路線，並無播住好嘈嘅K-pop，反而帶一種古代宮廷嘅味道😳。另外，我留意到店員們真係韓國人，讓人感覺正宗。呢度除咗係韓國料理店，亦有著居酒屋嘅元素🏮。佢提供各式各樣嘅串燒，一般而言好少出現喺韓國餐廳。食物定價稍貴，不過同質素成正比。金槍魚蓋飯Tuna Sashimi Rice Bowl($148)，🍚蓋飯好大碗，而且餸料亦好豐富。金槍魚即係呑拿魚，睇英文菜名先知係刺身🍣，味道幾鮮又無筋。飯本身無味，係靠隔離兜辣醬帶出味道，撈匀啲醬同沙律菜食，整體來講唔錯。炸豬扒蕎麥麵Cold Soba & Pork Cutlet($138)，蕎麥麵屬正常發揮，麵條偏粗身，富有嚼勁🍜，但略嫌份量偏少。炸豬扒好出色，新鮮熱辣炸起，吉列皮同肉身緊貼，皮脆唔乾唔熱氣，肉質鬆軟，配埋醬油食無得輸🐷。我哋嗌咗四串串燒Skewers🍢，包括牛外脊串Beef Sirloin($38)、羊肉串Lamb($38)、培根蕃茄串Bacon Tomat