嵐橋丼飯專門店 (已結業)

得知尖沙咀棉登徑有好多唔錯嘅餐廳，於是今晚就去嗰頭搵食。朋友較喜歡日本菜，所以我們搵左呢一間小店，點解叫小店?因為餐廳真的唔大，座位亦唔多，不過好有日本風。坐低冇耐先來一碗麵豉湯，係送嘅，好好味，麵豉好濃，唔係嗰啲不斷開水溝淡嘅麵豉湯。我朋友鍾意食蝦，所以叫咗個海老二重丼，當然佢都分咗兩隻甜蝦俾我試。甜蝦好新鮮，我最鍾意就係食蝦頭;另外仲有帆立貝，我個人就冇特別喜好，不過呢個帆立貝都算鮮甜。我自己叫咗個季節限定丼，有三文魚丶油甘魚丶牡丹蝦丶海膽同三文魚子，牡丹蝦啖啖肉，海膽鮮甜，三文魚子新鮮，配埋個飯一齊食，好正!🤤🤤另外我哋加咗串牛舌，牛舌燒得好香口，值得一試。