影片
更多
2016-06-18
1503 瀏覽
星期五放左工同阿爸阿媽食放題，叫做人少少簡單慶祝一下父親節，黎左新開嘅鳴Fusion，聽朋友講話好好味又好抵食。星期五晚放得工黎已經係食晚一個時段$178一位，阿爸列入長者級$128一位，三個人加埋都係五百幾，好抵喎 枱同枱間都幾濶，坐低睇下有咩食先，咦，好得意喎，呢度唔係畫紙仔，係要寫number同數量，都幾好呀環保啲，有時一張紙仔只點一樣野我覺得都幾浪費紙張。飲品自助去雪櫃度拎，有一般百氏，新奇士，康師傅等，都好多味道揀，拎左罐好耐無飲過嘅馬碲爽，爽呀！唔想飲凍飲嘅話有熱茶，店員都斟得好勤快㗎。先黎個麻醬菠菜，菠菜好翠綠，食落爽脆又清新，一啲都澀口，再加上大量麻醬超正，encore了數碗。蟹籽沙律又係好好味，青瓜好新鮮無出水，青瓜絲加埋蟹柳絲一軟一硬口感很好，加埋蛋黃醬同蟹籽又鮮又甜。主角梗系刺身啦，選擇頗多喎。叫左三文魚，油甘魚，立魚，希靈魚，蝦，鮑片，同翡翠螺等，滿滿一盤用玻璃船上，加上花花草草等decoration令賣相十分漂亮。蝦好鮮甜，魚類好肥美，螺好爽，樣樣都好味，點幾多黎幾多無漏單，每一片都厚切大大塊，食得好爽呀～再黎係火灸壽司，鰻魚甜美，帶子係有裙邊的那種，有口感
枱同枱間都幾濶，坐低睇下有咩食先，咦，好得意喎，呢度唔係畫紙仔，係要寫number同數量，都幾好呀環保啲，有時一張紙仔只點一樣野我覺得都幾浪費紙張。
飲品自助去雪櫃度拎，有一般百氏，新奇士，康師傅等，都好多味道揀，拎左罐好耐無飲過嘅馬碲爽，爽呀！唔想飲凍飲嘅話有熱茶，店員都斟得好勤快㗎。
先黎個麻醬菠菜，菠菜好翠綠，食落爽脆又清新，一啲都澀口，再加上大量麻醬超正，encore了數碗。
蟹籽沙律又係好好味，青瓜好新鮮無出水，青瓜絲加埋蟹柳絲一軟一硬口感很好，加埋蛋黃醬同蟹籽又鮮又甜。
主角梗系刺身啦，選擇頗多喎。叫左三文魚，油甘魚，立魚，希靈魚，蝦，鮑片，同翡翠螺等，滿滿一盤用玻璃船上，加上花花草草等decoration令賣相十分漂亮。蝦好鮮甜，魚類好肥美，螺好爽，樣樣都好味，點幾多黎幾多無漏單，每一片都厚切大大塊，食得好爽呀～
再黎係火灸壽司，鰻魚甜美，帶子係有裙邊的那種，有口感又鮮甜。
火灸三文魚又點少得，火槍將啲魚油迫哂出黎，入口油膩滿溢十分甘香。
燒三文魚頭又係勁正，用的是大魚頭，好多肉下，燒得香脆但肉嫩唔乾身，少少檸檬汁調味已經好好味。
蟹籽手卷，一上枱即食，紫菜好脆飯軟綿，蟹籽亦下得很多。
花之戀亦是我的最愛之一，肥美三文魚包住軟綿嘅飯，加埋蟹籽同蛋黃醬好難唔好食喎，一口一件超正。
沙律腐皮船，甜甜嘅腐皮好好味呀～
千島卷好特別，沙律菜加千島醬放係卷物上面，估唔到又幾夾喎，酸酸甜甜的，入口清新。
燒牛舌同一口牛柳粒又係勁正，即叫即燒熱辣辣，牛舌燒得香口，厚切但軟腍，口感極佳。牛柳粒亦是即叫即炒好有鑊氣，一口一粒重牛味，入口好多牛油爆出黎，黑椒加埋青紅黃椒調味，真係色香味俱全。
仲叫左其他燒物，食左朋友推介嘅燒大蝦，真係手掌咁大隻，好多蝦膏好正。燒粟米加左牛油好香，翠玉瓜厚切多汁，蕃薯仔同菠蘿都幾甜，encore！
最後梗系甜品作結，有雪糕杯同雪條自助。真係唔錯喎，朋友無介紹錯，刺身燒肉等都係用上靚料，入口已經唔同，呢個價錢有呢種質素簡直超值，值得推介！星期日至四仲有二人同行一人半價，買四送一添，好抵呀
張貼
